गंभीर-गिल यांचं ठरलं, बुमराहच्या जागी हुकमी एक्का काढणार, कोणाला संधी देणार जाणून घ्या..
लंडन : जसप्रीत बुमराह आता भारत आणि इंग्लंड यांच्यातील दुसऱ्या कसोटीत खेळणार नसल्याचे समोर आले आहे. पण बुमराहच्या जागी कोण, हा प्रश्न चाहत्यांना पडलेला होता. पण आता प्रशिक्षक गौतम गंभीर आणि कर्णधार शुभमन गिल यांनी सोडवला असल्याचे समोर आले आहे. जसप्रीत बुमराहच्या जागी आता भारतीय संघात मॅचविनर खेळाडूला संधी देणार आहेत. बुमराहच्या जागी आता भारतीय संघात हुकमी एक्का येणार आहे.
जसप्रीत बुमराह पहिल्या कसोटीत खेळला होता. पण आता तो दुसऱ्या कसोटीत खेळणार नसल्याचे समोर आले आहे. कारण दुसऱ्या कसोटीत जर तो खेळला तर तो बाकीच्या सामन्यांसाठी फिट राहू शकत नाही, असे म्हटले जात आहे. त्यामुळे दुसऱ्या कसोटीत बुमराहला खेळवणार नसल्याचे आता समोर आले आहे. पण बुमराह जर खेळणार नसेल तर त्याच्या जागी आता कोणत्या खेळाडूला संधी द्यायची हे समोर आले आहे. इंग्लंडमध्ये खेळण्याचा अनुभव असलेला खेळाडू आता बुमराहची जागा घेणार असल्याचे समोर आले आहे.
जसप्रीत बुमराहच्या जागी आता वेगवान गोलंदाज भारतीय संघात येणार हे स्पष्ट आहे. बुमराहच्या जागी भारतीय संघात स्थान देण्यासाठी भारतीय संघापुढे दोन पर्याय होते, पण त्यामधला एकच गोलंदाज आता गंभीर आणि गिल यांनी निवडला आहे, असे समोर येत आहे. बुमराहच्या जागी आकाश दीप आणि अर्शदीप सिंग यांच्यापैकी एकाला निवडले जाणार असल्याची चर्चा सुरु झाली होती. पण या दोघांपैकी एकालाच इंग्लंडमध्ये खेळण्याचा अनुभव आहे आणि त्याचीच निवड करण्यात येणार असल्याचे समजते आहे. यापूर्वी अर्शदीप सिंग हा इंग्लंडमध्ये कौंटी क्रिकेट खेळला आहे, त्यामुळे त्याला इंग्लंडच्या वातावरण आणि खेळपट्यांचा चांगलाच अनुभव आहे. त्याचबरोबर अर्शदीप हा डावखुरा गोलंदाज आहे. ज्यामुळे भारतीय संघाला वेगवान गोलंदाजीत विविधता आणता येऊ शकते. त्यामुळे बुमराहच्या जागी आता आकाश दीपपेक्षा अर्शदीप सिंगला भारताच्या संघात स्थान मिळू शकते, असे समोर आले आहे.
जसप्रीत बुमराह दुसऱ्या कसोटीत खेळणार नसल्यामुळे त्याच्या जागी कोण, हा प्रश्न भारतीय संघाने सोडवला आहे.
