मुरादपुरात भव्य मोफत आरोग्य शिबिरास उत्स्फूर्त प्रतिसाद; शेकडो रुग्णांनी घेतला लाभ…
चिखली ( एकनाथ माळेकर ): तालुक्यातील मुरादपूर येथे ‘आदिशक्ती जानामाय संस्थान’ परिसरात आयोजित करण्यात आलेल्या भव्य मोफत रोगनिदान व उपचार शिबिरास ग्रामस्थांचा प्रचंड प्रतिसाद लाभला. या शिबिरात परिसरातील शेकडो रुग्णांनी विविध आजारांची मोफत तपासणी करून घेत तज्ज्ञ डॉक्टरांच्या सल्ल्यानुसार उपचार घेतले.चिखलीतील नामांकित डॉक्टरांचा पुढाकार सदर शिबिराचे आयोजन राऊत ऑर्थोपेडिक हॉस्पिटल व सावळे हॉस्पिटल, चिखली यांच्या संयुक्त विद्यमाने करण्यात आले होते. शुक्रवार, १० एप्रिल २०२६ रोजी सकाळी ८ ते १० या वेळेत पार पडलेल्या या उपक्रमात ग्रामीण भागातील रुग्णांची मोठी गर्दी दिसून आली.विविध आजारांवर मोफत उपचार शिबिरामध्ये अपघातजन्य दुखापती, सांधेदुखी, मणक्याचे (स्पाइन) आजार, मधुमेह, हृदयरोग, दमा, किडनी विकार, थायरॉईड आणि मेंदूच्या आजारांवर तज्ज्ञांनी मार्गदर्शन केले. तसेच सर्पदंश व विषबाधा यांसारख्या गंभीर आपत्कालीन समस्यांवरही रुग्णांना सल्ला देण्यात आला.या डॉक्टरांनी दिली सेवा: यावेळी अस्थिरोग तज्ज्ञ डॉ. पवन किरण राऊत, मेडिसिन तज्ज्ञ डॉ. विशाल दिनकर सावळे, फॅमिली फिजिशियन डॉ. वैभव सोळंकी आणि जनरल सर्जन डॉ. आशिष सोळंकी यांनी रुग्णांची वैयक्तिक तपासणी करून त्यांना पुढील उपचारांविषयी मार्गदर्शन केले.ग्रामस्थांकडून समाधान व्यक्त ग्रामीण भागात तज्ज्ञ डॉक्टरांची सेवा एकाच छताखाली आणि मोफत उपलब्ध झाल्याने ग्रामस्थांनी आयोजकांचे आभार मानले. शिबिराच्या यशस्वीतेसाठी उपसरपंच विष्णु महाराज गाडेकर, किशोर गाडेकर, गणेश इंगळे, अतुल गाडेकर, पंढरी गाडेकर व पवन पाटणे यांनी विशेष परिश्रम घेतले. अशा शिबिरांमुळे गोरगरीब रुग्णांना मोठा आधार मिळत असल्याची भावना यावेळी व्यक्त करण्यात आली.
