पैशाचा वाद उफाळला एकाच मर्डर आरोपी अंढेरा पोलिसांच्या ताब्यात परिसरात दहशत….

चिखली (एकनाथ माळेकर) चिखली तालुक्यातील मेरा खुर्द येथील चौफुलीवर सावकारीच्या वादातून भरत विरशीद (वय ४०, रा. नांद्राकोळी, ता. जिल्हा बुलढाणा) याची धारधार शस्त्राने वार करून निर्घृण हत्या करण्यात आली. ही घटना २३ जून रोजी दुपारी सुमारे २ वाजता मेरा खुर्द फाटा येथे घडली. या प्रकरणी पोलिसांनी आरोपीस ताब्यात घेतले असून, अंढेरा पोलिस ठाण्यात गुन्हा दाखल करण्याची प्रक्रिया सुरू आहे.जालना जिल्ह्यातील जाफ्राबाद तालुक्यातील वरूड येथील ज्ञानेश्वर सुखदेव निकाळजे (वय २५) याने मृत भरत विरशीद याला १० लाख रुपये सावकारीवर दिले होते. मात्र, या पैशांच्या परतफेडीवरून दोघांमध्ये वाद निर्माण झाला. वादातूनच ज्ञानेश्वर निकाळजे याने भरतच्या मानेवर धारदार शस्त्राने वार केला. या हल्ल्यात भरत गंभीर जखमी झाला असून त्याचा घटनास्थळीच मेरा खुर्द येथे मृत्यू झाला आहे

घटनेची माहिती मिळताच अंढेरा पोलिस स्टेशनचे ठाणेदार रुपेश शक्करगे आणि कर्मचारी भरत पोफळे यांनी तत्काळ घटनास्थळी पोहोचून आरोपीस ताब्यात घेतले. सध्या पोलिस आरोपीची कसून चौकशी करत असून, ही हत्या सावकारीच्या पैशातून झाल्याची प्राथमिक माहिती समोर आली आहे या त्यामुळे मेरा खु आणि परिसरामध्ये भीतीचे वातावरण निर्माण झाले आहे पुढील तपास अंढेरा पोलीस स्टेशनचे पुलिस निरीक्षक रुपेश शक्करगे यांच्या मार्गदर्शनाखाली अंढेरा पोलीस करीत आहेत