९३ वर्षांत जे कोणाला जमलं नाही ते ऋषभ पंतने करून दाखवलं, जगातला मोठा रेकॉर्ड नावावर केला
लंडन: क्रिकेटच्या इतिहासात जे आतापर्यंत कोणालाही करता आलं नाही ते ऋषभ पंतने करून दाखवलं आहे. कारण गेल्या ९३ वर्षांच जे कोणालाही करता आलं नाही ते पंतने शतकाच्या जोरावर करून दाखवलं आहे.ऋषभ पंतवर या दौऱ्यापूर्वी जोरदार टीका होत होती. पण पंतने पहिल्याच सामन्यात सर्व टीकाकारांची तोंडं बंद करून ठेवली आहेत. कारण पंतने या पहिल्या सामन्यात ऐतिहासिक कामगिरी केली आहे, जी आतापर्यंत क्रिकेटच्या इतिहासात कोणालाच जमली नव्हती. त्यामुळे पंतचे नाव आता क्रिकेट विश्वाच्या रेकॉर्ड बुकमध्ये सुवर्ण अक्षरांनी कोरलं जाणार आहे.
यशस्वी जयस्वाल आणि शुभमन गिल यांच्या पहिल्या डावात पंतने शतक झळकावले होते. शुभमन गिलची त्याला चांगली साथ मिळाली होती. दुसऱ्या डावात यशस्वी आणि शुभमन हे दोघेही मोठी खेळी साकारण्यात अपयशी ठरले. पण पंतने मात्र आपल्यावर ठेवलेला विश्वास सार्थकी लावला. कारण जिथे यशस्वी आणि शुभमन लवकर बाद झाले तिथेच पंतने शतक झळकावले आणि त्याच्या नावावर क्रिकेट विश्वातला सर्वात मोठा रेकॉर्ड जमा झाला. आतापर्यंत कसोट क्रिकेटमध्ये एका सामन्याच्या दोन्ही डावांत भारताच्या सात खेळाडूंनी शतकं झळकावली आहेत. पण पंतचे हे शतक तरीही खास ठरते. कारण पंत हा भारताचा असा एकमेव खेळाडू ठरला आहे की, ज्याने इंग्लंडमध्ये खेळताना दोन्ही डावांत शतकं झळकावली आहे. भारतीय संघ गेल्या ९३ वर्षांपासून इंग्लंडच्या दौऱ्यावर जात आहे. पण भारताच्या एकाही खेळाडूला इंग्लंडमध्ये गेल्या ९३ वर्षांत एका सामन्यात दोन शतकं झळकावता आलेली नव्हती. पण पंतने मात्र ही कसर भरून काढली आणि एक मोठा रेकॉर्ड आता आपल्या नावावर त्याने केला आहे.
पंतने दुसऱ्या डावातही शतक झळकावल्यावर जोरदार सेलिब्रेशन केले. पंतच्या या शतकामुळे भारतीय संघाला सन्मानजनक धावसंख्या उभारता आली. कारण गिल बाद झाल्यावर पंत लगेच बाद झाला असता तर इंग्लंडला या सामन्यात वरचढ होण्याची सुवर्णसंधी होती. पण पंतने यावेळी धडाकेबाज फटकेबाजी केली आणि धमाकेदार शतक झळकावले
